أثبتت الدراسات إن أثر الإعلان التلفزيوني على المشاهد قل بصورة كبيرة

حتى إن أحد المتخصصين بدراسة الإعلانات يقول إن الإعلان التلفزيوني صار شبه خسارة للشركة المعلنة

ومع هذا .. نشوف أسعار الإعلانات بالتلفزيون ترتفع بصورة خيالية

سويت بحث بسيط على أسعار الإعلانات في التلفزيونات العربية خلال رمضان قبل سنتين

فـ كان أغلى سعر لـ سبوت إعلاني ( السبوت 35 أو 50 ثانية ) في قناة أم بي سي

وتحديدا بنص مسلسل طاش ما طاش

كان سعر السبوت 12000 دينار كويتي !!

...

الأحد اللي طاف كان الحدث السنوي الأهم في أمريكا

Super Bowl

المباراة النهائية في دوري كرة القدم الأمريكية

خلال المباراة - بين الأشواط - عرضو 55 إعلان

قيمة الثانية الوحدة بالإعلان 90,000 دولار

ايي .. الثانية الوحدة !! يعني الإعلان بو دقيقة يطلع بـ 5 ملايين و400 ألف دولار

هذي أرباح شركة مساهمة بالكويت سنتين كاملين :p

هذي الإعلانات تهتم فيها شركات الدعاية والإعلان حول العالم ، لأنها تكون مصممة بإحتراف عالي

حرصت إني أشوف الإعلانات كلها .. وناقشت بعضها مع دكتور تسويق عندنا بالجامعة

وتابعت تقييم الإعلانات على أكثر من موقع

ولقيت إن أحسن تقييم اهوا تقييم يو اس ايه توداي

 http://www.usatoday.com/money/advertising/admeter/2008admeter.htm

الشركة اللي أبدعت بالإعلانات حسب تقييم النقاد اهي شركة الخمور : بدوايزر

بالنسبة لي .. كانت أحلى الإعلانات :

إعلان فيدكس : رقم 2

"فيه رسالة واضحة إن البريد العادي بطيء ويضيع الشحنات"

إعلان كوكاكولا : رقم 7

 "فيه رسالتين حلوين .. إن كوكاكولا للكل : الشايب والشاب والياهل .. وإن الشخصيات هذي تتهاوش عليه من كثر ما تحبه .. فاللي يحب الشخصيات هذي راح يحب كوكاكولا"

وأكثر إعلان ضحكت عليه إعلان بدلايت رقم 20

Bottel opener suck!

لوول !!

أما من أسوأ الإعلانات

واللي استغربت منه حيييييييييل

إعلان يوكن رقم 51

تذكرون إعلان يوكن قبل 5 سنين تقريبا ؟

اللي اليوكن يصعد الطعس وباجي الجيبات ما يقدرون يصعدون

هالإعلان كان أثره كبير بين الشباب المهتمين بالجيبات

قارنوه بهالإعلان اللي لي آخر جم ثانية ما ينفهم منه شي !!

طريقة التقييم بالموقع :

1- Ad Meter Score

يو اس ايه توداي توزع اجهزة على متطوعين وتقول لهم حركو مؤشر الجهاز مع تأثركم وانجذابكم حق الإعلان

فـ النتيجة اللي بهالعمود عبارة عن متوسط مجموع نتايج المتطوعين

2- Online user rating

هذي نتايج تقييم زوار الموقع

مشاهدة ممتعة نتمناها لكم

..:: خالد ::..